Compréhension de lecture : Minic - Une histoire de bleuets

- Kwei kaskina! Oh Enko neki ninitcanicak.
- Kwei! Minic niran neta notcinan Nitaskinan. Micta Kice weckatc aci ni tacikanan ota notcimik. Nimocominanak, nokominanak ki ka aitacikewok mocak ota.

- Ki ka wapatahitinan e ici miniskak, enko ni nimikwaminan! Ekota neta e ici opikiiakw. Tatwaw pipona ni mitcetinan e nitawikiiakw minawatc atita matcawok e takwakik e towictaketcik kotakahi kecko ke nitawikiritci.
- Okitamin minatikw nit tatenan! Enko meka patoc wetci takok minic nac iti micta micaw taci e ici miniskak nte Nitaskinan.

Eicinakok minatikw

Minatikw kitci kicikitc mitceniw ke iti icinakositc.
Aci nte nohwe minatikw e tipi kinowaskok acitc e tipi mitcaskok, aci nokon e pe nitawikaki wapikonia.
Enko kirika niki mantcocak ka witcihiwetcik mitowi aniki amook kitci aitakoki wapikonia nac iti aritciwon iti miniciwon tca: niran, tca minica!

Ka witcihikoiakw

"Patoc pisimw wactenimakan acitc e okicasikewin. Acitc patoc kirika nipi. Ka kiceatisitcik
itewok kecpin e micta onimiskiskak e nipik,
nikan witcikatew, kitci mitcetiakw notcimik!"

Epipok, kon akonaham minatikoriw nanakatcitaw nimikiwaminan kitci minawatc pe kiwe nitawikiiakw e sikok acitc e miroskamik! E iti pitcipipok, aci nisaww nohwe kitikan kitci kwecimotc e piponik. E miroskamik, aci wapikoniwon. Enipik aci takono minica! Etakwakik, kakone pisimw kiapatc takon minica.

Tatwawpipona, icawok iriniwok notcimik e nantomineckatcik. E nipinik icawok kitci mowisotcik. Aci e iti miniciwonakosiakw acitc e iti miro ciwosiiakw aci matci ni nakitenan minatikw! Ni micta mireritenan kecpin e mamockinikoiakw. Kecpin e motci mowisonaniwok
otcitcinan e totcikatek,
ka apiciminikacik nama mamockinamowok mitowi
niran. Ekotca kiapatc e miro matcekiakw.

E pinakwepitcikaniwok

Kecpin e miniketcik aka otcitciwaw e totakik pinakwepitcikaniwtotamoke mowisotcik. Nakwi aicinikakon nihi. Ka kiceatisitcik nte icinikatamok niheriw masko otcitci. Kekwan wetci icinikatek kit iteriten?

Eatawaniwok minic

Mocak ekoni e totakoiakw e miniketcik iriniwok pinakwapitcikan e ki mamockipitikoiakw. Minawatc kotakahik iriniwok ni iti otapanikonan. Micta otapanik ni posihikowikonan e pamatisiak matci kaskina wiec askik nit icanan. Niran meka, notcimik ni pe otcitanan. Takon kaie kotak minica e ki kitikaniwok kirawe mikiminikawa nte ka atawaniwok atawewokamikw. Aric nama tapwe ciwaw niran ka apitc ciwosiiakw.

Masko

"Nama tepirak iriniwok ka sakihikoiakw! Ni natoweritakosinan kirika maskook kitci acimikitcik. Kicteritakon iriniwok kitci
kicterimatcik kecpin e pa aitacikaniwok notcimik. Kiskeritamok Atikamekw nehirowisiwok kape nipino kitci pa mowiminehawosoritci noceskwa. Tan e taciritci omaskocima noceskw kit iteriten? Matci nicw kekotc nicto taciriwa ke pa nakatowerimatc."

Notcimiw e icinakok

Nanikoto e towikihikaniwok ni witcihikowinan kitci actamectepiakw kitci miro matcekiiakw."
Weckatc nte Atikamekw Nehirowisiwok iskahawepanak kitci koski ocki nitawikik notcimiw kekwan. E ickwa ickwatek notcimik tan tato pipon kit iteriten kitci ki pe nokosiakw e nitawikiak? Eickwa nico piponikak aci ni pe nokosinan e nitawikiak!"

"Wetci miniketcik iriniw e wi mowikoiakw ni!
Kecpin tea e mowikoiak nohwe tca nokitaminan kaskina wec
icamikan.Ekoni kotak e iti takok ke ici miniskak taci ke ici pa tacikeiakw."
"Ni nakasinan kitci pe nta mowisonaniwok kaie niran
ko!"

E ici mirockakemikak

"Ni mirototakanan wiak nte otci. Ki mamiritinan mackosiwin kitci mirokaneiekw acitc nakataweritenan aka
kitci katcitinikoiekw akosiwin. Ka kiceatisitcik witamok e mirototakeiakw atcakok otci kirika e iti aniskocimiweiakw askik, nehirowi aitotiskewinik
acitc nte omocomiwapanik, okomiwapanik. Acite nimackikiminan nte ici miskikatew masko wiasik kecpin maskoemowiminetc!"

Mitcimik itekera

Ketcinatc ki kiskeritenawatike nehirowi itinekwan ka micta miro kiskeritcikatek ko. Ki nisitowinen ia? Masinatew neta opotak akoskahikanicik! 

"Micta kice mitcen aitinekwana
mitowi: minic tekirep, minic ritat, minicpakwecikan, acitc e cipahikanikewakaniwok acitc
mitcet itinekwana. Weckat ka kiceatisitcik actapanak miniciriw e mowatcik namesa nte icinikatcikatew
nihe cikoman. Kekw namesa ka itinekwawokopanen kit iteriten? Atikamekw ka icinikatakaniwitc names."

Osekwan minic

Nohwe e osekwaniwok kinec mirwacin matci kanaweritcikatew kitci mitcinaniwok kape pipona. Weckat Atikamekw Nehirowisiwok nte mocak ki tacikewok otaskiwak nte tca ki sikahamok osekwaniwaw pakitenakanik. Rikohamowakopan wiskata t a minawatc natawapatamok. Peikon e piponik mitciwakopan, nanikotono masko pimite cicohikewok kirawe kitci mackokanetcik. Wikacin itewok!

"Nte ici miskikatew nimasinasowinan ocitakanik. Ni micta kicteritenan e ki orapamikoiakw kitci nokosiak tan e aitotisketc opimatisiwinik Atikamekw Nehirowisiw! Niran enko peikw okicawetcihikan Atikamekw Nehirowisiw!"